in

انتخابی مواد فوج کی تحویل میں دینے کاہمارا مطالبہ غلط تھا،زبیرعمر

انتخابی مواد فوج کی تحویل میں دینے کاہمارا مطالبہ غلط تھا،زبیرعمر

مسلم لیگ ن کے رہنما اور سندھ کے سابق گورنر محمد زبیرعمر کا کہنا ہے کہ بیلٹ پیپرز اور انتخابی مواد کو فوج کے تحویل میں دینے کا مطالبہ ہماری غلطی تھی اور اس حوالے سے بلاول بھٹو کا بیان درست ہے۔

سماء کے پروگرام ندیم ملک لائیو میں گفتگو کرتے ہوئے زبیرعمر کا کہنا تھا کہ ہمارا تو مؤقف ہی یہی ہے کہ سیاست اور انتخابی عمل میں فوج کی مداخلت نہیں ہونی چاہیے۔

زبیرعمر کا کہنا تھا کہ درخواست ہمارے وکلاء نے تیار کی تھی جس کی ہم توثیق نہیں اور ہمارا اعتراض صرف یہ ہے کہ الیکشن قوانین کے مطابق اگر مارجن کم ہو تو اس پر اعتراض کیا جاسکتا ہے۔

رہنما ن لیگ کا کہنا تھا کہ ایک چھوٹا حلقہ جس میں 70 ہزار ووٹ پڑے تھے مگر اس کے نتائج رات کے 4 بجے آئے اس لیے الیکشن کمیشن کی کارکردگی پر سوالیہ اٹھا۔

فردوس عاشق اعوان کے اسسٹنٹ کمشنر سیالکوٹ سے تلخ کلامی سے متعلق ان کا کہنا تھا کہ مسائل کو اس طرح حل نہیں کیا جاسکتا کہ سول سرونٹ کو عوام کے سامنے ڈانٹا جائے کیوں کہ سب کے سامنے تحفظات کا اظہار بھی تضحیک کے زمرے میں آتا ہے۔

مصطفیٰ کمال کے حالیہ بیان سے متعلق ان کا کہنا تھا کہ وہ سمجھ رہے ہیں کہ یہ وہی کراچی ہے لیکن یہ شہر اب بدل چکا ہے اور اب ووٹر کا مزاج بھی وہ نہیں رہا۔ انہوں نے مزید کہا کہ تحریک انصاف ضمنی الیکشن میں سیکنڈ لاسٹ جبکہ ایم کیوایم سب سے آخری نمبر پر آئی ہے۔

پروگرام میں گفتگو کرتے ہوئے رہنما پیپلزپارٹی قادر مندوخیل کا کہنا تھا کہ ن لیگ نے حلقے میں ہمیں سمجھنے میں غلطی کی تھی، ہم نے الیکشن شیڈول سے قبل حلقے میں 2 ارب روپے کے ترقیاتی کام کروائے لیکن ہم نے اپنے کام کی تشہیر نہیں کی۔

اپنے جیت سے متعلق ان کا کہنا تھا کہ فیصل واوڈا نے میرے لیے بہت اچھا گراؤنڈ چھوڑا تھا، وہ حلقےمیں کچرے پر بیٹھ کر کہتے تھے کہ میں سمندر سے سیدھی پانی کا لائن یہاں لاؤں گا۔

رہنما پیپلزپارٹی کا کہنا تھا کہ جب جیتنے کے بعدجب حلقے کے عوام نے فیصل واوڈا کو اپنے وعدے یاد کرائے تو انہوں نے منرل واٹر دینے کا کہہ کر عوام کی تضحیک کی۔



Source link

Leave a Reply

Your email address will not be published. Required fields are marked *

بھارت میں کورونا گلوکارہ لتا منگیشکر بھی میدان میں آگئیں بڑی رقم عطیہ کردی

بھارت میں کورونا گلوکارہ لتا منگیشکر بھی میدان میں آگئیں بڑی رقم عطیہ کردی

کیاآپ جانتےہیں ایمن سلیم نےکون سا عالمی ریکارڈ بنایا تھا؟

کیاآپ جانتےہیں ایمن سلیم نےکون سا عالمی ریکارڈ بنایا تھا؟