in

امریکی ویزا: مسلم ممالک کیلئے دوبارہ درخواستوں کا عمل شروع

SABC-News-Visa-AFP

سابق صدر ڈونلڈ ٹرمپ نے 13 مسلم ممالک پر سفری پابندیاں عائد کی تھیں جس میں افریقی ممالک بھی شامل تھے۔

برطانوی خبر رساں ادارے رائٹرز کے مطابق صدر جو بائیڈن نے 20 جنوری 2021 کو ٹرمپ کے فیصلوں کو کالعدم قرار دے کر مسلمانوں پر لگائی جانے والی نام نہاد پابندیاں ختم کر دی تھیں۔

امریکی محمکہ خارجہ کے ترجمان نیڈ پرائس کا کہنا ہے کہ جن درخواست گزاروں کو 20 جنوری 2020 سے قبل ویزا دینے سے انکار کیا گیا تھا، انہیں لازمی طور پر نئی درخواستیں جمع کرانے کے ساتھ نئی فیس ادا کرنا ہوگی جبکہ 20 جنوری 2020 کے بعد والے اپنی درخواستیں دوبارہ جمع کروائے بغیر دوبارہ غور کرسکتے ہیں اور انہیں اضافی فیس ادا کرنے کی ضرورت نہیں۔

محکمہ خارجہ کے اعداد و شمار کے مطابق دسمبر 2017 کے بعد سے امریکی سپریم کورٹ کی جانب سے لگائی گئی پابندی کے تحت تقریبا 40ہزار افراد کے امریکا میں داخلے پر پابندی عائد کر دی گئی تھی۔

ٹرمپ انتظامیہ کی جانب سے اس فہرست میں کچھ ممالک کو شامل کیا گیا جبکہ بعض کو فہرست سے نکال دیا گیا۔ ٹرمپ نے آخری مرتبہ اس میں میانمار، اریٹیریا، ایران، کرغزستان، لیبیا، نائیجیریا، شمالی کوریا، صومالیہ، سوڈان، شام، تنزانیہ، وینزویلا اور یمن کو شامل کیا تھا۔



Source link

Leave a Reply

Your email address will not be published. Required fields are marked *

عالمی مارکیٹ میں تیل کی قیمت میں اضافہ

عالمی مارکیٹ میں تیل کی قیمت میں اضافہ

چارسدہ: سرکاری ملازمین میں کرونا، دفتر سیل

چارسدہ: سرکاری ملازمین میں کرونا، دفتر سیل