in

خشوگی کے قتل کا حکم شہزادہ محمدبن سلمان نےدیا،رپورٹ

خشوگی کے قتل کا حکم شہزادہ محمدبن سلمان نےدیا،رپورٹ

امریکی نشریاتی ادارے کیبل نیوز نیٹ ورک ( سی این این) کی جانب سے جاری انٹیلی جنس دستاویزات اور رپورٹ میں اس بات کا انکشاف کیا گیا ہے کہ مقتول واشنگٹن پوسٹ کے صحافی جمال خشوگی کو سعودی شہزادے محمد بن سلمان کی جانب سے منظوری ملنے کے بعد قتل کیا گیا۔

رپورٹ کے مطابق خشوگی کے قتل میں 21 افراد کی ٹیم نے حصہ لیا جس کو محمد بن سلمان نے خشوگی کو گرفتار یا قتل کرنے کا ٹاسک دیا تھا۔

امریکی انٹیلی جنس کی رپورٹ میں سنگین الزام لگاتے ہوئے کہا گیا ہے کہ جمال خشوگی کو آخری بار ترکی کے شہر استنبول میں سعودی قونصل خانے میں داخل ہوتے ہوئے دیکھا گیا تھا، جہاں سے وہ کبھی باہر نہیں آئے۔

امریکی نشریاتی ادارے کی جانب سے انٹیلی جنس رپورٹ بھی جاری کی گئی ہے۔ رپورٹ میں یہ بھی کہا گیا ہے کہ سعودی شہزادے کا کہنا تھا کہ خشوگی کو یا تو گرفتار کیا جائے یا اسے مار دیا جائے۔ سعودی شہزادے کا یہ بھی کہنا تھا کہ تشدد کے ذریعے ہمیں اس آواز کو ختم کرنا ہوگا۔

قتل کے 2 سال بعد رپورٹ آفس آف ڈائریکٹر نیشنل انٹیلی جنس کی جانب سے جاری کی گئی ہے۔ سی آئی اے کی اطلاعات اور تحقیقات پر مبنی اس رپورٹ میں ایسی 3 وجوہات بیان کی گئی ہیں جن کی بنیاد پر یہ کہا گیا ہے کہ ولی عہد نے آپریشن کی منظوری دی تھی۔

رپورٹ میں یہ بھی کہا گیا ہے کہ سال 2017 کے بعد سے محمد بن سلمان نے سعودی عرب کی سیکیورٹی اور انٹیلی جنس آپریشنز پر مکمل کنٹرول حاصل کیا تھا جس کی وجہ سے یہ ممکن نہیں کہ سعودی حکام نے اس نوعیت کا آپریشن ان کی منظوری کے بغیر کیا ہو۔

محمد بن سلمان نے صحافی کو مملکت کیلئے خطرہ قرار دیا تھا۔ رپورٹ کے مطابق استنبول آپریشن میں ولی عہد کی حفاظت پر معمور ایک مشیر براہ راست ملوث تھے جس سے اس بات کو تقویت ملتی ہے کہ ولی عہد کو اس آپریشن کا علم تھا۔ ان افراد کے نام لیے گئے ہیں جن پر خشوگی کے قتل کا الزام یا ذمہ داری ڈالی گئی ہے۔ سعودی ایلیٹ انٹیلی جنس یونٹ ریپڈ انٹرونشن فورس کو جمال خشوگی قتل کا واحد ذمہ دار قرار دیا گیا۔

کانگریس کی انٹیلی جنس کمیٹی کے چیئرمین ایڈم شیف نے جوبائیڈن انتظامیہ پر زور دیا کہ اس بات کو یقینی بنائیں کہ رپورٹ میں جنہیں ذمہ دار قرار دیا گیا ہے۔ کمیٹی کے رکن سینیٹر رون وائیڈن سعودی ولی عہد کے علاوہ سعودی عرب پر بھی پابندیوں کا مطالبہ کیا۔



Source link

Leave a Reply

Your email address will not be published. Required fields are marked *

آج کی اہم خبر:مریم نواز کوٹ لکھپت جیل جائیں گی

آج کی اہم خبر:مریم نواز کوٹ لکھپت جیل جائیں گی

ویڈیو: پاک فضائیہ کا آپریشن سوئفٹ ریٹارٹ پر نغمہ جاری

ویڈیو: پاک فضائیہ کا آپریشن سوئفٹ ریٹارٹ پر نغمہ جاری