in

نائجیریا: مسلح افراد نے 300سے زائد طالبات کو اغواکرلیا

نائجیریا: مسلح افراد نے 300سے زائد طالبات کو اغواکرلیا

بی بی سی کی رپورٹ کے مطابق مغربی افریقی ملک نائیجیریا کی ریاست زمفارا کے بورڈنگ اسکول سے نامعلوم مسلح افراد سیکڑوں طالبات کو اغوا کرکے لے گئے۔ اس علاقے میں ایک ہفتے میں طلبا کے اغوا کا یہ دوسرا واقعہ ہے۔

اسکول کے ایک استاد اور بچوں کے والدین نے اسکول پر مسلح افراد کے حملے اور طالبات کے اغوا کی تصدیق کی جبکہ زمفارا کے انفارمیشن کمشنر کا کہنا ہے کہ مغوی طالبات کی تعداد معلوم نہیں ہوسکی ہے تاہم اندازے کے مطابق یہ سیکڑوں میں ہوسکتی ہے۔

اس حوالے سے بی بی سی کا کہنا ہے کہ شدت پسندوں کی جانب سے مسلح حملہ اس وقت کیا گیا جب اسکول میں درس و تدریس کا عمل معمول کے مطابق جاری تھا۔

دوسری جانب گورنمنٹ گرلز سیکنڈری اسکول جنگیبی کی ایک استانی نے نام ظاہر نہ کرنے کی شرط پر اے ایف پی کو بتایا کہ حملے کے بعد اسکول سے کم از کم 300 طالبات لاپتہ ہیں۔

پولیس کا کہنا ہے کہ اس علاقے میں اغوا برائے تاوان کی وارداتیں عام ہیں۔ ایسے واقعات اب روزانہ کی بنیاد پر سامنے آرہے ہیں، رواں ہفتے طلبا کے اغوا کا یہ دوسرا واقعہ ہے۔

گزشتہ ہفتے بھی ایک بورڈنگ اسکول پر مسلح حملے میں ایک طالب علم ہلاک ہوگیا تھا اور 27 طلباء سمیت 42 افراد کو اغوا کرلیا گیا تھا جبکہ گزشتہ برس دسمبر میں بھی 300 طلبا کو اغوا کرلیا گیا تھا۔



Source link

Leave a Reply

Your email address will not be published. Required fields are marked *

سندھ، تحریک انصاف میں اختلافات شدید، کارکن آپس میں لڑپرے

سندھ، تحریک انصاف میں اختلافات شدید، کارکن آپس میں لڑپرے

زلمی کا گلیڈی ایٹرز کیخلاف ٹاس جیت کرفیلڈنگ کا فیصلہ

زلمی کا گلیڈی ایٹرز کیخلاف ٹاس جیت کرفیلڈنگ کا فیصلہ