in

طالبان، افغان حکومت میں سیاسی حل پر اتفاق ہوگیا

طالبان، افغان حکومت میں سیاسی حل پر اتفاق ہوگیا

غیرملکی میڈیا کے مطابق ایران میں افغان حکومت اور طالبان کے درمیان مذاکرات ہوئے جس میں اسلامی ریاست کے قیام کے لیے مذاکرات جاری رکھنے پر اتفاق ہوا۔

طالبان اور افغانستان حکومت نے اپنے مشترکہ اعلامیے میں کہا ہے کہ جنگ افغانستان کے مسائل کا حل نہیں، تمام تر کوششیں پرامن سیاسی حل کے لیے ہونی چاہئيں۔

اعلاميے میں سرکاری املاک، مساجد اور اسپتالوں سمیت تمام عوامی اداروں پر حملوں ميں ملوث افراد کیخلاف سزا دینے پر بھی اتفاق کیا گیا ہے۔

دوسری جانب امریکی صدر جوبائیڈن نے افغانستان سے امریکی انخلا 31 اگست تک مکمل ہوجانے کا عندیہ دیا ہے۔

امریکی صدر نے کہا کہ افغان مسئلے کے سیاسی حل کےلیے خطے کے ممالک کو آگے آنا ہوگا، جوبائیڈن نے امید کا اظہار کرتے ہوئے کہا کہ افغانستان سے امريکی فوج کے نکلنے کے بعد وہاں طالبان کا قبضہ نہيں ہوگا۔

امریکی صدر نے پريس کانفرنس سے خطاب کرتے ہوئےکہا کہ 75ہزار طالبان کے مقابلے ميں افغان فوج کی تعداد 3لاکھ ہے اور وہ بہتر جنگی سازوسامان سے ليس ہے۔

واضح رہےکہ طالبان اب تک ملک کے 130 سے زائد اضلاع اور 150 افغان ملٹری پوسٹوں پر قبضہ کرلیا ہے جبکہ بدخشاں کے ضلع واخان ميں صرف چار طالبان نے پورے ضلع پر کنٹرول کرليا۔

افغانستان کے ايک تہائی سے زيادہ اضلاع طالبان کے کنٹرول ميں آچکے ہيں۔



Source link

Leave a Reply

Your email address will not be published. Required fields are marked *

Gambling

پرائز بانڈز کے نمبروں پرسٹےکا متبادل طریقہ ڈھونڈ نکالا گیا

state-bank-of-pakistan-afp-1

زرمبادلہ کےذخائر پونے پانچ سال کی بلند ترین سطح پرآگئے