in

سعودی عرب میں اربوں ریال کی کرپشن کا انکشاف

سعودی عرب میں اربوں ریال کی کرپشن کا انکشاف

سعودی عرب مرکزی بینک کے عہدیداروں، پولیس اور دیگر سرکاری ملازمین کی ملی بھگت سے بے نامی کھاتوں اور ذرائع سے خطیر رقم بیرون ملک منتقل کرنے کا انکشاف ہوا ہے۔

العربیہ ڈایٹ نیٹ کے مطابق انسداد بدعنوانی کمیشن نزاھہ کی طرف سے جاری ایک بیان میں‌ کہا گیا ہے کہ کاروباری افراد، سرکاری ملازمین اور غیر ملکی عناصر پر مشتمل اس کرپٹ مافیا نے مجموعی طور پر مختلف ذرائع سے 11 ارب 59 کروڑ ریال کی رقم بیرون ملک منتقل کی ہے۔

ذرائع نے مزید کہا کہ فیلڈ انوسٹی گیشن کرنے اور تجارتی اداروں کے بینک کھاتوں کا تجزیہ کرنے اور کسٹم درآمد کی تفصیلات کو مربوط کرنے کے بعد یہ واضح ہو گیا کہ ان تجارتی اداروں کے کھاتوں میں جو بے نامی نقد رقم جمع کی گئی ہے جس کی مالیت 11 ارب 59 کروڑ ریال ہے۔ یہ خطیر رقم مملکت سے باہر منتقل کی گئی اور اس کیس میں 5 غیر ملکی عناصر کو گرفتار کیا گیا جن کے قبضے سے 90 لاکھ 78 ہزار ریال برآمد کیے گئے ہیں۔ وہ یہ رقم بینک کے ذریعے بیرون ملک بھیجنا چاہتے تھے۔

انسداد بدعنوانی کمیشن نے اس کیس میں ملوث ہونے کے شبے میں 7 کاروباری افراد، 12 بینک ملازمین، پولیس میں ایک نان کمیشنڈ افسر، 5 مقامی اور 2 غیر ملکیوں‌ کے خلاف تحقیقات کی جا رہی ہیں۔ ان افراد پر رشوت لے کر منی لانڈرنگ، جعلسازی اور غیر قانونی مالی منافع خوری، پیشہ وارانہ اثر ورسوخ کے ناجائز استعمال اور خطیر رقم چھپانے کے الزامات ہیں۔

اس حوالے سے سامنے آنے والا پہلا کیس ایک مقامی کاروباری شخصیت کا ہے جس نے مبینہ طوور پر خطیر رقم بیرون ملک بھیجی ہے۔ اس نے اپنے، اپنی بیوی اور اپنے بیٹے کے نام متعدد فرضی اور جعلی کمپنیاں قائم کیں۔ اس کے بعد ان کے ناموں کے ساتھ بینک کھاتے تیار کیے۔ ماہانہ بنیادوں‌ پر ان بینک کھاتوں میں متعدد افراد کے ذریعے رقم جمع کرائی گئی۔ منی لانڈرنگ کو چھپانے کے لیے ایک پولیس افسر کو 3 لاکھ ریال اور ایک دوسرے شخص کو 40 لاکھ ریال کی رقم رشوت کے طور پر دی گئی۔

دوسرے کیس میں 5 کاروباری شخصیات کی جعلی کمپنیوں، ان کے بینک کھاتوں اور منی لانڈرنگ کا انکشاف ہوا ہے۔ انہوں‌ نے غیر ملکی شہریوں کے اکائونٹس کو ماہانہ کی بنیاد پر رقوم کی بیرون ملک منتقلی کے لیے استعمال کرنے کا سلسلہ شروع کیا ہوا تھا۔

تیسرے مقدمہ میں ایک بینک برانچ کے مینیجر کو منی لانڈرنگ میں ملوث پایا گیا ہے جو جعلی بنک کھاتے کھول کر غیر ملکی افراد کو ان کے ذریعے رقوم بھجوانے کے لیے استعمال کرتا رہا ہے۔



Source link

Leave a Reply

Your email address will not be published. Required fields are marked *

لاہور میں انسانیت سوز واقعہگھریلو ملازمہ زیادتی کے بعد قتل 

لاہور میں انسانیت سوز واقعہگھریلو ملازمہ زیادتی کے بعد قتل 

ٹرینوں کی آن لائن ٹکٹنگ سروس تاحال بند،تکنیکی خرابی برقرار

ٹرینوں کی آن لائن ٹکٹنگ سروس تاحال بند،تکنیکی خرابی برقرار