in

امریکی تاریخ میں پہلی بار مسلمان وفاقی جج کا تقرر

امریکی تاریخ میں پہلی بار مسلمان وفاقی جج کا تقرر

امریکی سینیٹ نے پاکستانی نژاد زاہد قریشی کی فیڈرل بینچ کے مجسٹریٹ جج کے طور پر تقرر کی منظوری دیدی۔ وہ امریکی تاریخ میں یہ عہدہ پانے والے پہلے مسلمان ہیں۔

برطانوی خبر رساں ادارے کے مطابق زاہد قریشی کو امریکی صدر جو بائیڈن نے نامزد کیا تھا، زاہد قریشی کے والدین کا تعلق پاکستان سے ہے۔

ڈیموکریٹس کی اکثریت والے سینیٹ میں انہیں 16 کے مقابلے میں 81 ووٹوں سے منتخب کیا گیا۔ سینیٹ میں اکثریت کے رہنماء چک شومر نے سینیٹ کے فلور پر کہا کہ امریکا میں اسلام تیسرا بڑا مذہب ہے لیکن کبھی کسی مسلمان کی فیڈرل بینچ میں تعیناتی نہیں ہوئی۔

رپورٹ کے مطابق زاہد قریشی 2019ء میں مجسٹریٹ تعینات ہونے سے پہلے نیو جرسی کی ایک لا فرم میں شراکت دار تھے۔ اس قبل وہ اسسٹنٹ یو ایس اٹارنی، ہوم لینڈ سیکیورٹی ڈیپارٹمنٹ کے ساتھ اسسٹنٹ چیف کونسل اور امریکی فوج میں بطور پراسیکیوٹر کام کرچکے ہیں۔

واضح رہے کہ زاہد قریشی سمیت 9 افراد کو مارچ میں نامزد کیا گیا تھا، سینیٹ نے امریکی صدر کے نامزد کردہ 2 اُمیدواروں کی منگل کے روز منظوری کی تصدیق کی تھی۔



Source link

Leave a Reply

Your email address will not be published. Required fields are marked *

 وفاقی بجٹ ٹیکس اتھارٹیز کے صوابدیدی اختیارات میں کمی اور غلط اختیارات روکنے کا فیصلہ 

 وفاقی بجٹ ٹیکس اتھارٹیز کے صوابدیدی اختیارات میں کمی اور غلط اختیارات روکنے کا فیصلہ 

سوزوکی الٹو کی قیمت میں 1 لاکھ روپے تک کی کمی کا امکان

سوزوکی الٹو کی قیمت میں 1 لاکھ روپے تک کی کمی کا امکان