in

ایرانی بحریہ کاسب سے بڑا جہازخلیج عمان میں ڈوب گیا

ایرانی بحریہ کاسب سے بڑا جہازخلیج عمان میں ڈوب گیا

ایرانی بحریہ کا سب سے بڑا جہاز خلیج عمان میں آتشزدگی کے بعد مکمل طور پر ڈوب گیا، جہاز تہران کے جنوب مشرق میں 1270 کلو میٹر کی دوری پر غرقاب ہوا۔

ایرانی اور بین الاقوامی میڈیا کے مطابق ایرانی بحریہ کے سب سے بڑا لاجسٹک جہاز “خارک” بدھ کو مکمل طور پر ڈوب گیا، جہاز میں آگ لگنے کی وجہ تاحال معلوم نہیں ہوسکی۔

غیرملکی خبر رساں ایجنسی کے مطابق یہ جہاز عسکری معاونت کے مشن پر تھا اور جنگی ہیلی کاپٹر لے کر جارہا تھا، جس میں منگل اور بدھ کی درمیانی شب 2 بجکر 25 منٹ پر آگ لگی، جہاز پر موجود تمام کارکنان کو بحفاظت نکال لیا گیا تاہم آگ بجھانے کی تمام تر کوششیں ناکام ہوگئیں۔

ایرانی بحریہ کی جانب سے جاری ایک بیان میں کہا گیا ہے کہ تمام افراد جہاز سے بحفاظت اتر جانے میں کامیاب رہے، بیان میں آگ لگنے کی وجہ کا ذکر نہیں کیا گیا۔

ڈوبنے والا یہ جہاز ایران کیلئے تیل کے اہم ٹرمینل کا کام انجام دیتا تھا جو گزشتہ 40 برسوں سے فعال تھا۔ یہ بحری جہاز سمندر میں موجود دیگر جہازوں کی مدد اور بھاری مال برداری کی صلاحیت کا حامل تھا۔

رپورٹ کے مطابق ایران نے رواں سال اپریل میں اعلان کیا تھا کہ بحر احمر میں اس کے ایک بحری جہاز کو نشانہ بنایا گیا۔ ذرائع نے العربیہ کو بتایا تھا کہ اسرائیلی کمانڈوز نے ایرانی جہاز کو تباہ کرنے کیلئے اس پر دھماکا خیز مقناطیسی آلہ چپکا دیا تھا۔

امریکی اخبار نیویارک ٹائمز نے بھی ایک امریکی ذمہ دار کے حوالے سے بتایا تھا کہ اسرائیل نے واشنگٹن کو ایرانی بحری جہاز نشانہ بنانے سے آگاہ کیا تھا۔



Source link

Leave a Reply

Your email address will not be published. Required fields are marked *

کروڑ پتی افراد کے بچے شوقیہ موٹرسائیکل چوری کرنے لگےپولیس نے کمسن گینگ کو گرفتار کرلیا

کروڑ پتی افراد کے بچے شوقیہ موٹرسائیکل چوری کرنے لگےپولیس نے کمسن گینگ کو گرفتار کرلیا

بھارتی پروڈیوسر پاکستانی اداکارہ کی شکرگزار کیوں؟

بھارتی پروڈیوسر پاکستانی اداکارہ کی شکرگزار کیوں؟