in

حجر اسود، مقام ابراہیم کی جدید تکنیک کیساتھ تصاویر جاری

Hajr e Aswad, Maqam Ibrahim

غیر ملکی خبر ایجنسی العربیہ کے مطابق الحرمین الشریفین کے امور کی ذمہ دار صدارت عامہ نے جدید ٹیکنالوجی کی مدد سے حجر اسود اور مقام ابراہیم کی مختلف زاویوں سے نئی تصاویر بنائی ہیں۔

حکام کے مطابق حجراسود کی اعلیٰ ریزولیشن کی صرف ایک تصویر تیار کرنے کے لیے سات گھنٹے تک فوٹوگرافی کی گئی۔ ان تصاویر کے 49 ہزار تک میگاپکسل ہیں اور ان کی تیاری میں 50 گھنٹے لگے ہیں۔

حجر اسود کا رنگ سرخی مائل سياہ ہے جبکہ اندرونی حصہ پيالے کی طرح ہے۔ اس کے اطراف خالص چاندی کا فريم رکھا گيا ہے اور پتھر کی جگہ بیضوی شکل میں دکھائی دیتی ہے۔

حجر اسود پتھر کے 8 چھوٹے ٹکڑوں‌ پر مشتمل ہے جسے دن میں پانچ مرتبہ بیش قیمت عطریات سے معطر کیا جاتا ہے۔ اسلامی عقیدے کے مطابق حجر اسود کو جنت سے الگ کیا گیا تھا اور یہ کالا پتھر انبیاء پر وحی لانے پر مامور فرشتے جبرئیل علیہ السلام نے جنت سے لاکر حضرت ابراہیم علیہ السلام کے سپرد کیا تھا۔

جدید تکنیک کی مدد سے مقام ابراہیم کی بھی تصاویر بنائی گئی ہیں جب کہ مقام ابراہیم کی اس قدر شفاف تصاویر بھی پہلی مرتبہ سامنے آئی ہیں۔

مقام ابراہیم پر نصب شوکیس میں رکھے ہوئے پتھر کے وسط میں حضرت ابراہیم کے قدموں کے واضح نشانات موجود ہیں جن کی شکل بیضوی ہے، ان نشانوں کی اونچائی اور لمبائی 50 سینٹی میٹر کے قریب ہے۔



Source link

Leave a Reply

Your email address will not be published. Required fields are marked *

دوسرا ٹیسٹ؛ پاکستان نے تگڑے مقابلے کے لیے کمر کس لی

دوسرا ٹیسٹ؛ پاکستان نے تگڑے مقابلے کے لیے کمر کس لی

Faisalabad

فیصل آباد کے 16علاقوں میں اسمارٹ لاک ڈاؤن نافذ