in

علی گُل پیرنےکنگناسے”فحش گلوکارہ”کی وضاحت مانگ لی

علی گُل پیرنےکنگناسے”فحش گلوکارہ”کی وضاحت مانگ لی

کنگنا رناوٹ سے جو امید کی جائے کم ہے، متنازع بیانات کے باعث شہرت رکھنے والی اداکارہ نے اس باراپنی ڈکشنری میں ایک نئے لفظ کا اضافہ کیا ہے جس کے حقیقی معنی جاننے میں پاکستانی ریپراور پُرمزاح ویڈیوزبنانے والے علی گل پیرخاصی دلچسپی رکھتے ہیں۔

گزشتہ 2 ماہ سے احتجاج کرنے والے بھارتی کسانوں کی حمایت میں امریکی گلوکارہ ریحانہ کی ٹویٹ پر انہیں بیوقوف کہنے والی کنگنا کا دل ابھی ٹھنڈا نہیں ہوا۔ تازہ حملے میں کنگنا نے ریحانہ کو فحش گلوکارہ کہہ ڈالا۔

ایک ٹوئٹرصارف نے ویڈیو شیئرکی جس میں وکیل اورکینیڈین رکن پارلیمنٹ جگمیت سنگھ کسی ”دی سوشل” نامی شو میں ریحانہ اوردیگر کے ساتھ دوستانہ گپ شپ کررہے ہیں۔ بھارت میں جگمیت سنگھ پر دہشتگردوں کیلئے فنڈنگ کا الزام ہے۔

امت کمارنامی اس صارف نے لکھا کہ امریکی گلوکارہ کی جانب سے حکومت مخالف بھارتی کسانوں کی حمایت کرنے کی یہی وجہ ہے جس پر کنگنا بھی فورا میدان میں کود پڑیں اور لکھا ” یہ دہشتگرد (جگمیت سنگھ) اس فحش گلوکارہ دوست ہے، دہشتگردانہ کارروائیوں کیلئے فنڈنگ کرنے والے اس ملزم کے دماغ میں خالصتان بھرا ہے۔ ایک پورن اسٹار اسے فالوکرتی ہے”۔

کنگنا کی اس ٹویٹ پرعلی گل پیرکی رگ ظرافت پھڑکی اورانہوں نے اپنی ٹویٹ میں کنگنا سے اس ” نئے لفظ” کی وضاحت مانگ لی۔

علی نے لکھا ” فحش گلوکارہ؟ کیا یہ وہ ہے جو صرف فحش فلموں کیلئے موسیقی بناتے ہیں، اور نارمل فلموں کیلئے گانے سے انکار کردیں گے؟ برائے مہربانی تھوڑی وضاحت کریں، مجھے علم نہیں تھا ایسا کوئی پیشہ بھی ہوتا ہے ۔ میں متجسس ہوں ”۔

ٹوئٹرپر101 ملین فالوورزرکھنے والی ریحانہ نے بھارتی کسانوں سے متعلق سی این این کی ایک رپورٹ ری ٹویٹ کرتے ہوئے لکھا تھا ” ہم اس حوالے سے بات کیوں نہیں کررہے ہیں ؟ ”۔ جس پر کنگنا نے انہیں بیوقوف کہتے ہوئے بھارتی کسانوں دہشتگرد کہاتھا۔

ریحانہ کی اس ٹویٹ پربیمشارغیرمصدقہ اکاونٹس سے کی جانے والی جوابی ٹویٹس میں یہ بھی کہا گیا کہ یہ ٹویٹ پاکستان سے رقم لینے کے بعد کی گئی ہے۔ بعد ازاں وفاقی وزیرسائنس وٹیکنالوجی فواد چوہدری نے ریحانہ کیلئے تعریفی ٹویٹ کی۔

واضح رہے ہزاروں کی تعداد میں بھارتی کسان مودی سرکار کے نافذ کردہ 3 متنازع زرعی قوانین کے خلاف 2 ماہ سے دہلی کی سڑکوں پرسراپا احتجاج ہیں۔گزشتہ ہفتے بھارتی یوم جمہوریہ کے موقع پر کسانوں کی ٹریکٹرریلی کو دارالحکومت میں داخلے سے روکنے کیلئے پولیس نے پولیس انٹرنیٹ بند کرنے کے علاوہ سڑکوں پر کیلیں اور خار دار تاریں تک بچھائیں جس کے بعد یہ ریلی پُرتشدد احتجاج میں تبدیل ہوگئی تھی۔

اس سے قبل کینیڈا کے وزیر اعظم جسٹن ٹروڈو کی جانب سے بھی بھارتی کسانوں کی حمایت پربھارت اوٹاوا سے احتجاج کرچکا ہے۔



Source link

Leave a Reply

Your email address will not be published. Required fields are marked *

ارطغرل ڈرامے میں حلیمہ سلطان کا کردار نبھانے والی اسراءبیلجک کی ساتھی اداکار کا بوسہ لیتے ہوئے ویڈیو سوشل میڈیا پر وائرل

ارطغرل ڈرامے میں حلیمہ سلطان کا کردار نبھانے والی اسراءبیلجک کی ساتھی اداکار کا بوسہ لیتے ہوئے ویڈیو سوشل میڈیا پر وائرل

Steel Mills

اسٹیل ملز کیس: اسد عمر سپریم کورٹ میں طلب