in

شعیب ملک اور خود سے متعلق خبروں پرسونیا حسین کی وضاحت

شعیب ملک اور خود سے متعلق خبروں پرسونیا حسین کی وضاحت

اداکارہ سونیا حسین نے سوشل میڈیا پراپنے اورکرکٹرشعیب ملک سے متعلق خبروں کی اشاعت کے بعد اپنی باتوں کی وضاحت کی ہے۔

سونیا اورشعیب نے احسن خان کے شو میں ایک ساتھ شرکت کی تھی جہاں شعیب نے بتایا کہ وہ سونیا کی پوری فیملی سے ملاقات کرچکے ہیں اور ان کے والدین بہت زیادہ اچھے ہیں۔ اس پر سونیا کا ہنستے ہوئے کہنا تھا کہ میری والدہ کو شعیب بیحد پسند آئے تھے اور انہوں نے مجھ سے پوچھا تھا کہ کیا یہ شادی شدہ ہیں۔

اس انٹرویو کے بعد سوشل میڈیا پرذومعنی سیاق وسباق کے ساتھ شعیب اورخود سے متعلق خبروں کی اشاعت کے بعد ہونے والی قیاس آرائیوں پرسونیا نے انسٹاگرام اسٹوریزمیں اپنا موقف واضح کیا۔

اداکارہ نے لکھا ” میں شرطیہ کہہ سکتی ہوں کہ ہرلڑکی کو اپنی ماں کے ان معصومانہ جملوں کا سامنا کرنا پڑتا ہوگا جب بھی وہ اس کے مہذب دوستوں سے پہلی بار ملاقات کرتی ہوں گی اور ہمارے گھرمیں تو یہ بہت ہی عام سی بات ہے ”۔

سونیا نے بتایاکہ میرے والدین بہت ہی معصوم ہیں، حتیٰ کہ انہوں نے شعیب سے یہ بھی پوچھا کہ کیا وہ اداکار ہیں؟ لیکن کون جانتا تھا کہ یہ معصومانہ بات سیاق وسباق سے ہٹ کرایک سنجیدہ خبر بن جائے گی۔

اداکارہ نے پوسٹ میں شعیب ملک کو ٹیگ کرتے ہوئے واضح کیا کہ وہ میرے بہترین دوستوں میں سے ایک ہیں۔

اداکارہ نے مداحوں سے کہا کہ ایسی ہلکی پھلکی باتوں کو مذاق میں ہی لیا کریں کیونکہ آپ نہیں جانتے کہ یہ رشتوں پرکیااثرات ڈال رہے ہیں۔



Source link

Leave a Reply

Your email address will not be published. Required fields are marked *

ترک اداکارہ کو فوجی اہلکار کے خلاف توہین آمیز ٹوئٹ پر مقدمہ کا سامنا

ترک اداکارہ کو فوجی اہلکار کے خلاف توہین آمیز ٹوئٹ پر مقدمہ کا سامنا

سیاسی جماعت میں جرائم پیشہ افرادکی موجودگی پارٹی پالیسی نہیں ہوتی،فاروق ستار

سیاسی جماعت میں جرائم پیشہ افرادکی موجودگی پارٹی پالیسی نہیں ہوتی،فاروق ستار