in

دلوں پرراج کرنے والی رانی کی 28ویں برسی

دلوں پرراج کرنے والی رانی کی 28ویں برسی

حقيقت سے قريب تراداکاری اوردلنشين رقص کی وجہ سے اداکارہ رانی ايک عرصے تک ستارے کی مانند فلمی دنيا پر جگمگاتی رہيں، دلوں کو موہ لينے والی اداکارہ کو مداحوں سے بچھڑے 28 برس بیت گئے۔

رانی 8 دسمبر 1946ء کو لاہور میں پیدا ہوئیں، ان کا اصل نام ناصرہ سرفراز تھا۔ بولتی آنکھوں، دلکش جسمانی خدوخال اور رقص میں مہارت رکھنے والی رانی کا کیرئیر 32 سال پرمحیط رہا۔ چاکلیٹی ہیرو وحید مراد کے ساتھ ان کی آن اسکرین کیمسٹری کا ایک زمانہ مداح تھا۔

فلمی دنیا میں 1961ء میں قدم رکھنے والی رانی کو ابتداء میں تو مشکل حالات کا سامنا رہا، ہدایتکار انور کمال پاشا نے رانی کو 1961ء میں فلم محبوب میں ایک مختصر کردار میں متعارف کروایا، 1964ء تک رانی نے فلم موج ميلہ، اک تيرا سہارا اور سفيد خون سميت کئی فلموں میں اداکاری کے جوہر دکھائے جن میں سے اکثر ناکام رہیں، جس کے باعث رانی کو پربدقسمت اداکارہ کا ٹھپہ لگ گیا لیکن 1967 میں فلم “دیوربھابی” کی کامیابی کے بعد ان کی قسمت کا ستارہ چمک اٹھا۔

ہدايتکار رانی کو ليڈنگ کرداروں ميں کاسٹ کرنے لگے، پھر قدرت نے رانی کو ہدایتکار حسن طارق کا ساتھ دیا اور ان کی کامیابیوں کا نہ رکنے والا سلسلہ شروع ہوگيا، فلم اُمراؤ جان ادا، تہذيب، انجمن، ثُريا بھوپالی، دنيا مطلب دی، چن مکھناں، ايک گناہ اور سہی جيسی کامياب فلميں اداکارہ رانی کو شہرت کی بلندیوں پر لے گئيں۔



Source link

Leave a Reply

Your email address will not be published. Required fields are marked *

پنجاب میں عوامی مقامات پر کرونا وائرس ٹیسٹ کرنے کا فیصلہ

پنجاب میں عوامی مقامات پر کرونا وائرس ٹیسٹ کرنے کا فیصلہ

وزیراعظم سندھ میں مداخلت نہیں کرناچاہتے، شیخ رشید

وزیراعظم سندھ میں مداخلت نہیں کرناچاہتے، شیخ رشید